NÝGGJASTU TÍÐINDI

Posta út tann:
02
10
2021

Hvar fara eskjurnar í 2021?


Sum kunnugt hoyra Føroyar til Ongland, tá um Christmas Child ræður. Undanfarin ár hevur tað verið so, at vit hava vitað, áðrenn eskjurnar verða sendar úr Føroyum, hvaðar tær fara. Umstøðurnar í heiminum – og kanska serliga í Bretlandi – eru sera nógv broyttar seinastu tvey árini, og hetta hevur m.a. havt við sær broytingar í, hvaðar eskjurnar verða sendar. Nevndin hevur roynt í fleiri umførum at fingið at vita úr Onglandi, hvaðar eskjurnar úr Føroyum fara í ár, men tað er tíverri enn ógreitt.


Brúk er fyri heitum hosum og húgvum

Í fleiri undanfarin ár eru eskjurnar farnar til Rumenia, har tað er kalt um veturin. Seinasta ár fóru tær til Liberia, ið vit vanliga hugsa sum eitt heitt land. Men tað er stórur munur á hitanum um dagin og um náttina, so har hava tey eisini brúk fyri heitum hosum og húgvum. T.v.s., hóast vit ikki enn vita, hvaðar eskjurnar fara, so kunnu vit gott pakka tær soleiðis, sum vit annars hava gjørt. Heitar húgvur, hosur o.s.fr. er vælkomið.


Tá vit vita, hvar tær fara, so skulu vit kunna um tað, men tað er enn óvist, um tað verður áðrenn innlatingarfreistina 31. okt.


Vónandi verða nógvar eskjur sendar úr Føroyum, her vit hava tað so gott, til treingjandi børn, líkamikið hvørjum landi tað so er í.


Faldarar og plakatir

Um tað er onkur, ið manglar ella hevur tørv á fleiri plakatum og faldarum, so ber til at heinta tað í Logos bókhandli í Havn. Har er opið seinnapart týsdag til fríggjadag.

Seinasta freist at lata eskjurnar inn er 31. okt. 2021

PDF-fíl
No items found.

Sí fleiri tíðindi her:

Skúlabólkur samlar skógvaeskjur inn!
Les meira
Skógvaeskjur gleða børn í Zimbabve!
Les meira
Filmklipp úr Rumenia
Les meira
Jólaheilsan 2016
Les meira
Í ár komu 4833 skógvaeskjur inn
Les meira
Videolagið: Kærleiki í eskju
Les meira
Fitt bamsa til skógvaeskjuna
Les meira
Kunnandi fundur um Christmas Child 30. august
Les meira